اللہ اپنے بندے کو سزا کیوں دیتا ہے؟

اللہ اپنے بندے کو سزا کیوں دیتا ہے؟

مجھے اس سوال کا ایسا جواب ملا کہ آج تک مطمئن ہوں!

ہمارے ویٹنری ڈیپارٹمنٹ کے پروفیسر ہوا کرتے تھے. میرے اُن سے اچھے مراسم تھے. یہ یونیورسٹی میں میرا تیسرا سال تھا. اک دفعہ میں انکے دفتر گیا۔

مجھ سے کہنے لگے:ایک مزے کی بات سناؤں تمہیں؟

جی سر ضرور !

پچھلے ہفتے کی بات ہے میں اپنے دفتر می‍ں بیٹھا تھا

اچانک اک غیر معمولی نمبر سے مجھے کال آئی: "پندرہ منٹ کے اندر اندر اپنی سراؤنڈنگز کی کلیئرنس دیں!"

ٹھیک پندرہ منٹ بعد پانچ بکتر بند گاڑیاں گھوم کے میرے آفس کے اطراف میں آکر رکیں.

سول وردی میں ملبوس حساس اداروں کے لوگ دفتر می‍ں آئے. ایک آفیسر آگے بڑھا:

" امریکہ کی سفیر آئی ہیں انکے کتے کو پرابلم ہے اسکا علاج کیجئے. تھوڑی دیر بعد اک عورت آئی، انکے ساتھ انکا ایک اعلٰی نسل کا کتا بھی تھا.

کہنے لگیں. میرے کتے کے ساتھ عجیب و غریب مسئلہ ہے. میرا کتا نافرمان ہوگیا ہے. اسے میں پاس بلاتی ہوں یہ دور بھاگ جاتا ہے. خدارا کچھ کریں یہ مجھے بہت عزیز ہے اسکی بے اعتنائی مجھ سے سہی نہیں جاتی!!

میں نے کتے کو غور سے دیکھا، پندرہ منٹ جائز لینے کے بعد میں نے کہا: میم! یہ کتا ایک رات کے لیے میرے پاس چھوڑ دیں میں اسکا جائزہ لے کے حل کرتا ہوں، اس نے بے دلی سے حامی بھرلی.

سب چلے گئے تو میں نے فیضو کمدار کو آوز لگائی اور اسے بولا: اسکو بھینسوں والے بھانے میں باندھ دو اور اسے ہر آدھے گھنٹے بعد چمڑے کے لتر مارنا. ہر آدھے گھنٹے بعد صرف پانی ڈالنا، جب پانی پی لے تو پھر لتر مارنا!

کمدار جٹ آدمی تھا۔ ساری رات کتے کے ساتھ لتر ٹریٹ منٹ کرتا رہا!

صبح کو سفیر، پورا عملہ لئے میرے آفس میں آدھمکی!

 Doctor, what about my pup ?

I said: Hope your puppy has missed you too!!

کمدار کتے کو لے آیا!

جونہی کتا کمرے کے دروازے میں آیا چھلانگ لگا کے سفیر کی گود میں آبیٹھا لگا دم ہلانے اور انکا منہ چاٹنے لگا!

کتا مُڑ مڑ تشکر آمیز نگاہوں سے مجھے تکتا رہا اور میں گردن ہلا ہلا کے مسکراتا رہا!

  

سفیر کہنے لگی: سر آپ نے اسکے ساتھ کیا کیا کہ اچانک اسکا یہ حال ہے؟

میں نے کہا: ریشم و اطلس ، ایئر کنڈیشن روم، اعلی پائے کی خوراک کھا کھا کے یہ خودکو مالک سمجھ بیٹھا تھا اور اپنے مالک کی پہچان بھول گیا تها، بس اسکا یہ خناس اُتارنے کے لیے اسکو ذرا سائیکولوجیکل پلس فیزیکل ٹریٹمنٹ کی اشد ضروت تھی, وہ دیدی۔۔۔ ناؤ ہی از اوکے!

Now he is ok.

اللہ بندے کو سزا کیوں دیتا ہے؟

مجھے اس سوال کا ایسا جواب ملا کہ آج تک مطمئن ہوں!!

(اقتباس )